Америкийн Нью-Мексико мужийн Лас-Крусес хотын 24 настай иргэн Эллис Баттиста гэгч өнгөрсөн хоёрдугаар сарын  28-ны шөнө 3:30 цагийн үед тамхи авахаар багавтар нэгэн дэлгүүрт очтол тэр нь хаалттай байжээ. Дүрс бичлэг дээрээс харахад залуу хаалгыг хэдэнтээ хүчтэй цохисныхоо дараа уурсан өшиглөж хаалганы доод самбарыг цөм цохьсон байна.

Залуу эр эзэнгүй дэлгүүрт ороод ердөө ганц хайрцаг тамхи аваад, кассын дэргэд 6 доллар орхижээ.
Тэрээр дэлгүүрт байрлуулсан хяналтын камерын өмнө тамхиа харуулаад дараа нь төлбөр зургаан доллараа тавьж байгаагаа ч бас харуулжээ.

Дэлгүүрийн хаалгыг хэн нэгэн эвдэж байгааг харсан хүн цагдаад мэдэгдсэнээр түүнийг холдож амжаагүй байхад нь саатуулсан байна. Хэдийгээр тэрээр авсан барааныхаа үнийг төлсөн ч эвдэлсэн хаалганыхаа төлбөрт 800 доллар төлөх ёстой болжээ.