Монголын Ардчилсан холбооноос Монголын Ард түмэндээ хандан тунхаглан зарлах нь:

Монголын Ардчилсан холбоо Монголд Улсад хүмүүнлэг, ардчилсан, иргэний нийгмийг цогцлоохын төлөө 26 жилийн турш тэмцсээр өнөөдрийг хүрлээ.

Улс орны нийгэм, эдийн засаг, хууль эрх зүйн орчны өнөөгийн байдал, засаглал хэт гажуудалд орж, харийн бизнесийн гар хөл болсон цөөн тооны дотоодын улс төрийн бүлэглэлүүдийн эрх мэдлийн золиос болжээ. Монгол Улсын үндэсний язгуур эрх ашиг алдагдаж, баялгийн тэгш бус хуваарилалт бий боллоо.

Монгол Улсын иргэн бүрт 230 мянган ам.доллар оногдох Таван толгойн орд газрыг 90 жилийн хугацаатайгаар харийнханд өгч, 30 жилийн дараа 2500 төгрөг болгох гэж байсныг Монголын Ардчилсан холбооны дарга, УИХ-ын гишүүн  Х.Баттулга УИХ-ын 41 гишүүний хамт уриалан эсэргүүцэж, зогсоосны төлөө хэмлүүлж байна. 

Гэтэл нам, үндэстэн дамнасан луйварчид баялгийн тэгш хуваарилалтын төлөө тэмцэгчдийн дуу хоолойг улстөрчдийн захиалгаар шүүх цагдаагийн байгууллагыг ашиглан дарамталж, баривчлан хорих үйл ажиллагаа нь хэрээс хэтэрч байна. Үүний жишээ нь Монголын чөлөөт хэвлэлийн эцэг, алтан хараацай болсон “Ардчилал” сонинд эрүүгийн цагдаагийн газраас дарамт ирэх боллоо.
Монголын Ардчилсан холбоо үндэсний эрх ашгийн төлөө улс төр, эдийн засагт болж буй энэ зөрчил, үл ойлголцлыг арилгахын төлөө цааш цаашдын идэвхтэй үйл ажиллагаагаа чиглүүлэх болно.

Бид Монголын Ардчилсан холбооны гишүүд, дэмжигчид Монгол эх орондоо 26 жилийн өмнө тайван замаар ардчилсан хувьсгалыг хийсэн, цаашид ч үүнийхээ төлөө хатуу зогсох болно.