Монгол Улсын хоёр иргэн ОХУ-ын Калининград мужаас Польшийн хил давах гэж байсныг  оросын хилчид  саатуулан баривчилсан байна.

Хил зөрчигсөд Калининград мужийн Багратионовын  районы нутгаар хил давах байсан гэж тус мужийн Хилийн цэргийн удирдах газрын хэвлэлийн алба мэдээлснийг Freekaliningrad дамжуулжээ.

Тэд уг нь Калининград мужилд аяллаар очиж дурсгалт газраар явж байгаад хууль бусаар хил давахаар шийдсэн бололтой. Дулаан хувцас, аяны хөнжил, халуун цайны сав, хүнс бүхий хоёр  чемодантай энэ хоёр хүн хамгийн цаад тал нь Бельги орох байсан гэж мэдүүлжээ.

Тэднийг олон улсын алан хядагч байгууллагатай холбоотой эсэх, тэдэнтэй нийлэх гэж байсан эсэхийг оросын хилчид шалгаж байгаа юм байна. Юутай ч тэдэнд ОХУ-ын хилийн дэглэмийг зөрчсөн, хууль бусаар улсын хил давах гэсний нь төлөө шийглэ ногдуулах бололтой.
      
ОХУ-ын Эрүүгийн хуулинд “ОХУ-ын хилийг хууль бусаар давбал” зургаан жил хүртэл хугацаагаар хорих ял оноодог юм хэмээн freekaliningrad.ru сайт мэдээлсэн байна.