Даваа гараг бүр болдог Засгийн газрын хуралдаанаар өнөөдөр  2012 оноос хойш ажилласан хоёр Засгийн газар өнгөрсөн дөрвөн жилийн хугацаанд ямар ажил хийснээ тайлагнах тухай асуудал хэлэлцэх гэж байна.

2012 оны сонгуулийн дараа байгуулагдсан, Ерөнхий сайд Н.Алтанхуягийн Засгийн газрын үйл ажиллагааны хөтөлбөрийг  парламентад суудалтай намуудын мөрийн хөтөлбөрөөс бүрдүүлсэн бол 2014 онд ажлаа авсан Ерөнхий сайд Ч.Сайханбилэгийн Засгийн газар өмнөх засгийн мөрийн хөтөлбөрийг үргэлжлүүлэн хэрэгжүүлсэн юм.