МХЕГ-ын 2018 01/12 тоот Урьдчилан сэргийлэх хяналт шалгалт хийх тухай нийтээр тэмдэглэдэг баярын арга хэмжээтэй холбоотой НМХГ-ын 2018 оны 02-01/71 тоот Хүнсний худалдааны газруудад төлөвлөгөөт хяналт шалгалт хийх тухай удирдамжийн хүрээнд Чингэлтэй дүүрэгт үйл ажиллагаа явуулж байгаа Алтжин санаа ХХК-ий Алтжин бөмбөгөр, Юмт Бөмбөгөр ХХК-ий Бөмбөгөр худалдааны төвүүдийн мах, сүү цагаан идээ, өндөгний лангуу түрээслэн худалдаа эрхэлж байгаа 16 иргэдийн үйл ажиллагаанд хамтарсан хяналт шалгалтыг хийж байгаа аж.
Мах худалдан борлуулах ажлын байр, лангуу, хөргөгч, хөлдөөгчний мал эмнэлэг, ариун цэврийн шаардлага хангаагүй, гар угаах цэггүй, худалдан борлуулж байгаа малын гаралтай түүхий эд, бүтээгдэхүүн, импортын гахай, тахианы маханд шинжилгээ чанар, аюулгүй баталгаажилтгүй, жин хэмжүүр зөрчилтэй, хүнсний сүлжээнд бүртгэлд ороогүй нийтлэг зөрчил дутагдал байжээ.
Малын удмын сан, эрүүл мэндийг хамгаалах тухай хуулийн 14 дүгээр зүйлийн 14.1.1.-14.1.2, 14.1.3 заалтыг зөрчиж байгаа тул Монгол Улсын Зөрчлийн тухай хуулийн 13.4 дүгээр зүйл 4 заалтыг зөрчиж байгаа тул 6 иргэнд торгох шийтгэл ногдуулж, махны худалдаа эрхлэж байгаа 3 иргэний 8 нэр төрлийн дээж, цагаан идээ борлуулж байгаа 4 иргэний 9 нэр төрлийн хяналтын дээжийг авч НМХГ-ын төв лабораторид шинжилгээнд хамруулсан байна.