Маргааш Сүхбаатарын талбайд “Авлигачид оффшорчдын эсрэг” тайван жагсаал болно. Энэ тэмцэлд Монгол орны өнцөг булан бүрт амьдардаг монголчууд маань нэгдэнэ гэдгээ илэрхийлээд байгаа. Мөн дэлхий даяар тархан ажиллаж, амьдардаг монголчууд маань оффшорчдын эсрэг тэмцлийг дэмжиж буй юм. Хамгийн анх Швейцарьт амьдардаг монголчууд маань нэгдэхээ мэдэгдэж байсан бол өнөөдөр Бельгийн Вант Улсад амьдарч буй монголчууд "АВИЛГАЧИД ОФФШОРЧДЫН ЭСРЭГ" ард түмний тайван жагсаалыг дэмжиж байгаагаа илэрхийлэв. Түүгээр ч барахгүй гадаадад ажиллаж амьдарч байгаа элэг нэгтнүүдээ "OFFSHOR CHALLANGE" -д нэгдэхийг уриаллаа. Үүнээс өмнө Герман улсын Берлин хот дахь монголчууд маань ялалтын хаалга, Рейхстаг хоёрын урд оффшорчин, луйварчдын эсрэг лоозонгууд барин эсэргүүцлээ илэрхийж байсан юм.