ЭМЯ-ны сайд, МАХН-ын ерөнхий нарийн бичгийн даргын албан тушаалыг хашиж байхдаа 500 сая төгрөгийн хахууль авч байгаад хууль хүчний байгууллагад үйлдэл дээрээ баригдсан гэх гэмт хэрэг төгсөх шатандаа иржээ. Тэр хахууль авсан нь үнэн гэдэг нь тогтоогдсон. Хахууль өгсөн хүн нь гэрчилсэн. Шийлэгдамбын хувьд энэхүү мөнгийг намын дарга Н.Энхбаярын даалгавраар авсан гэдгээ хэвлэлээр зарласан. Асуудлыг Н.Энхбаяр луугаа шилжүүлээд, уснаас өөрөө хуурай гарна гэж бодсон нь бүтэлгүйдсэн. Харин анхан шатны шүүхээс түүнд 5 жилийн ял сонсголоо. Одоо энэ хэргийг улс төржүүлэх шаардлага нэгэнт өндөрлөсөн. УИХ, ерөнхийлөгчийн сонгууль ард хоцорсон. Энхбаярыг улс төрд эргэн орох үүд хаалгыг ямар ч гэсэн 4 жилээр хойшлуулж чадсан. Шийлэгдамбын хэрэг дууссан. Одоо түүнээс шүүх хуулийнхан ч үтэр түргэн салахыг зорьж байна. Шийлэгдамба одоо үнэгүй бараа болсон. Түүний хэрэгцээ, оролцоо нэгэнт дуусжээ.

Ц.ХИШГЭЭ