Улаанбаатар хотод цас их хэмжээгээр орсны улмаас хальтиргаа гулгаа ихээр үүсч, иргэд хүнд, хөнгөн хэлбэрээр бэртэж гэмтсээр байна. Хэдийгээр ТҮК-ийн ажилчид өдөр, шөнөгүй цас цэвэрлэж байгаа ч хүчрэхгүй байгаа юм.

Уг нь бол “Хог хаягдлын тухай” хуулийн 10 дугаар зүйлийн 10.2.10-т заасны дагуу үйлдвэрлэл, үйлчилгээ эрхэлж байгаа иргэн, аж ахуйн нэгж, байгууллагууд ойр орчмын 50 метр хүртэлх нийтийн эзэмшил газрын хог хаягдал, цас мөсийг цэвэрлэх үүрэгтэй байдаг.

Эл үүргээ биелүүлээгүй тохиолдолд Монгол Улсын “Зөрчлийн тухай” хуулийн 15.2 дугаар зүйлийн 1 дэх хэсэгт заасны дагуу хүнийг тавин мянган төгрөгөөр, хуулийн этгээдийг таван зуун мянган төгрөгөөр торгоно гэсэн заалт бий.

Мөн цас мөсийг цэвэрлээгүйгээс иргэнд хүнд болон хөнгөн гэмтэл учруулсан бол “Иргэний тухай” хуулийн 497 дугаар зүйлийн 497.1-т заасны дагуу иргэн, аж ахуйн нэгж хариуцлага хүлээдэг байгаа. Иймд дээрх үүргээ биелүүлж ажиллахыг иргэн, аж ахуйн нэгж, байгууллагуудад НМХГ-аас анхааруулсан байна.