Өвлийн улиралд хүүхэд, залуучуудын чөлөөт цагаа зөв боловсон өнгөрүүлэх, дэлхийд танигдсан уран бүтээлчдийн хийж бүтээсэн мөсөн баримлыг үзэж сонирхох, мөсөн гулгуурын талбайд тэшүүрээр хичээллүүлэх зорилгоор Бээжингийн гудамжны гүүрнээс Скай хайпермаркет дэлгүүрийн баруун талын явган хүний гүүрэн гарц хүртэлх талбайд мөсөн гулгуурын талбай, цас, мөсөн хотхоныг байгуулах ажлыг эхлүүлжээ.

Энэхүү мөсөн хотхонд 70х24, 30х19 хэмжээтэй 2 мөсөн гулгуурын талбай, Олон улсын мөсөн баримлын уралдаанд байр эзэлж байсан өвлийн олимпоор сэдэвчилсэн шилдэг 20 мөсөн баримал, тэшүүр сольж өмсөх, халуун уух зүйлээр үйлчлэх үйлчилгээний байр, гэрэлтүүлэг, цахилгаан хангамж, гэрлэн чимэглэл зэрэг ажил хийгдэх аж. Мөсөн хотхоныг энэ сарын 15-ны өдөр ашиглалтад оруулахаар мэргэжлийн байгууллагуудтай хамтран ажиллаж байгаа юм байна.