Парис хот руу аялах азтанууд тодорлоо
Н.Энхболд, Д.Энхтайван, Д.Батбаатар нарыг Элчин сайдаар томилох асуудлыг хаалттай хэлэлцэж байна
Уулын замд гарсан ослын улмаас дөрвөн том хүн, нэг хүүхэд гэмтжээ
“Монгол хэл, бичгийн шалтгалт”-ын босго оноонд хүрээгүй сурагчид БҮТ-ийн байранд дугаарлаж байна
Нутгийн зарим хэсгээр бороо, нойтон цас орно
Ерөнхий сайд Л.Оюун-Эрдэнэ Бүгд Найрамдах Киргиз Улсын Парламент Жогорку Кенеш-ийн дарга Н.Шакиевт бараалхав
Төрийн албаны шалгалтын бүртгэл тавдугаар сарын 9 хүртэл үргэлжилнэ
77 иргэн сонгуульд бие даан нэр дэвшихээр ҮАГ-т мөрийн хөтөлбөрөө хүргүүлжээ
Дөрөвдүгээр сарын 25-28-нд нөөцийн махны өргөтгөсөн худалдааг зохион байгуулна
Морьт эргүүлийг зуслангийн бүсэд ажиллуулна
Монгол хүүхдийн сүүн шүдний бөөгнөрөл, эрүү нүүрний гажиг тодорхойлох судалгааг анх удаа хийлгэжээ
НИТХ, Нийгмийн хөгжлийн хороо, НБГ, Анагаахын Шинжлэх ухааны үндэсний их сургуулийн Нүүр ам судлалын сургуультай хамтран Улаанбаатар хотын 9 дүүргийн сургууль, цэцэрлэгийн 1200 хүүхдүүдэд сүүн шүдний бөөгнөрөл, эрүү нүүрний гажиг тодорхойлох, шүд цоорлын өвчний эрчмийг тодорхойлох судалгаа хийж, үр дүнг Эрүүл мэндийн мэндийн яамны “Эрүүл шүд-эрүүл хүүхэд” үндэсний хөтөлбөрийг боловсруулж буй ажлын хэсгийнхэн, ЭМЯ-ны дэд сайд Л.Бямбасүрэн болон албаны хүмүүст танилцуулжээ.
Судалгааны үр дүнгээс үзэхэд хоёр хүүхэд дутмын нэг нь сүүн шүдний бөөгнөрөл буюу эрүү нүүрний гажигтай болох нь тодорхойлогдсон байна. Хүүхдийн хоолны хатуулаг чанар алдагдаж, монгол хүний хавиргаа зулгааж, бөлхөө зажилж, ясаа мөлжиж, ааруулаа иддэг эрүүл амьдралын хэв дадал багасаж, машиндсан, миксердсэн уудаг хоол иддэг болсонтой холбоотойгоор хүүхдийн эрүү нүүрний яс дутуу хөгжиж, сүүн шүд бөөгнөрч, давхралдаж, хазалтанд гажиг үүсдэг. Энэ нь цаашлаад хүүхдийн гоо сайханд нөлөөлж, олон сая төгрөгийн шүдний аппарат зүүх эмчилгээ хийлгэхэд хүргэж, эмчлээгүй тохиолдолд эрүүний үеэнд гажиг үүсч, толгой өвдөх, дүүрэх, шүд цоорох зэргийн шалтгаан болдог байна.
Энэ талаар НИТХ-ын төлөөлөгч, Нийгмийн хөгжлийн хорооны дарга Д.Мөнхжаргал, “Иймд судалгааны багийн хамт олон хүүхдийн хоолны стандартыг өөрчлөхөөс эхлэн өвчлөлөөс урьдчилан сэргийлэх, эмчлэх, эцэг эх, сурган хүмүүжүүлэгчдэд мэдлэг мэдээлэл, зөвлөгөө өгөх, судалгааг гүнзгийрүүлэн хийх ажлуудыг үндэсний хөтөлбөрт оруулах ажлыг санал болголоо. Бидний судалгаагаар шүдний цоорлын эрчим дунджаар 86 хувьтай байгаа ба СБД-т 94 хувьтай байлаа. Эрүүл монгол хүнийг өсгөж, хүмүүжүүлэх нь Боловсрол, эрүүл мэндийн салбар, эцэг эхчүүд бидний амин чухал үүрэг билээ.
"Монгол хүнийг бэлтгэхэд СӨБ-үүрэг оролцоо" сэдэвт Нийслэлийн 3000 багшийн зөвлөгөөний нэгээхэн том ажил урагшилж байгааг та нартаа мэдээлэхэд баяртай байна. Энэ дашрамд хэлэхэд хөхөө өвлийн хүйтэн, хөр цасан дундуур Багахангай, Багануур, Налайх дүүрэгт хүртэл очиж ажилласан Д.Отгонболд захиралтай АШУҮИС-ын Нүүр ам судлалын сургуулийн захирал хамт олонд гүн талархал илэрхийлье” хэмээсэн байна.
Х.Онон
0 Сэтгэгдэл