Урин дулааны улирал аялал зугаалгын үе эхэлж байгаатай холбогдуулан нийслэлийн Баянзүрх дүүргийн Цагдаагийн III хэлтсээс 2015 оны 06 сарын 19-ний өдрөөс эхлэн 20-р хорооны “Хар усан тохой”-оос 11-р хорооны Маршалын гүүр хүртэлх Туул голын сав газруудад нэмэлт эргүүл гаргажээ. Мөн иргэд ихээр ирж амарч байгаа голын сав газруудад онцгой хяналт тавьж, амарч зугаалж яваа иргэдтэй биечлэн уулзаж, гэмт хэрэг зөрчлөөс урьдчилан сэргийлэх чиглэлээр сэрэмжлүүлэг хүргэж, 08-20 цагийн хооронд завьт эргүүлийг ажиллуулж эхлээд байна.