Нийслэлийн Засаг даргын орлогч Н.Батаа “Нийслэлийн өрхийн эмч нарын зөвлөгөөн зохион байгуулах тухай” захирамж гаргалаа. Захирамжийн дагуу эрүүл мэндийн анхан шатны тусламж үйлчилгээний хүртээмжийг сайжруулах зорилгоор “Нийслэлийн өрхийн эрүүл мэндийн төвүүдийн тусламж үйлчилгээний өнөөгийн байдал,тулгамдаж буй асуудал” сэдэвт өрхийн эмч нарын зөвлөгөөнийг энэ сарын 19-нд зохион байгуулна.
Зөвлөгөөний үеэр зохиох арга хэмжээнүүдийг нэгдсэн удирдлага, арга зүйгээр ханган, холбогдох байгууллагуудтай хамтран чанарын өндөр түвшинд бэлтгэн сурталчилж  ажиллахыг Эрүүл мэндийн газарт, зөвлөгөөний үйл ажиллагаанд шаардлагатай 7  сая 544 мянган төгрөгийг  2015 оны төсөвт батлагдсан “Нийслэлийн эрүүл мэндийн байгууллагуудын үйл ажиллагааг үр дүнгээр тооцон урамшуулдаг тогтолцоог бийй болгох” зардлаас санхүүжүүлэхийг Нийслэлийн Засаг даргын Тамгын газарт даалгажээ.
Өрхийн эмч нар энэ зөвлөгөөнөөр нийслэлинй иргэдэд эмнэлгийн анхан шатны тусламж үйлчилгээ үзүүлэхэд тулгарч байгаа бэрхшээл, хөрөнгө санхүүгийн асуудал, хүн амын дундах өвчлөлийн байдал зэргийг ярилцаж холбогдох байгууллагуудын анхааралд хүргэх юм байна.