Толгой шилжүүлэн суулгах анхны мэс засалд орохыг зөвшөөрсөн оросын программч Валерий Спиридонов анагаах ухааны энэ шинэ мэс заслыг хийх тухай зарлах бага хуралд оролцохоор АНУ-ыг зорьсон байна.
“Америк руу би ачаа тээш гээд байх юмгүй явна. Ер нь яах  ч гэж тийм тээш чирч явах билээ. Ойр зуурын хэрэгцээний зүйлээ хийсэн  жижиг үүргэвч, гар утас, солих хувцас, зээлийн карт гээд л болоо” гэж Спиридонов ярьсан байна.
30 настай Спиридонов нуруу нугасны маш ховор өвчтэй болохоор тулгуур эрхтнүүд нь ажилладаггүй учраас Италийн эмч Сержо Канаверийн толгой шилжүүлэн суулгах мэс засалд орохыг зөвшөөрсөн юм. Тэрээр үүний өмнө “Миний бие улам муудсаар байгаа болохоор үүнээс өөр арга байхгүй” гэж мэдэгдсэн юм.