УИХ-ын Өргөдлийн байнгын хороо мөн Монголын залуу хуульчдын “Хос дэнс клуб”-ээс АТГ-т хандан Монгол Улсын Үндсэн хуулийн цэцийн гишүүн П.Очирбат нь “ Монголиан майнинг корпорацид Төлөөлөн удирдах зөвлөлийн хараат бус бие даасан гишүүнээр ажиллаж, уг компаниас цалин авч байгаа нь холбогдох хууль тогтоомжийг зөрчсөн эсэхийг шалгуулахыг хүссэн. АТГ-аас энэ асуудалд шалтгалт хийж П.Очирбат “Монголиан майнинг корпораци"-ийн Төлөөлөн удирдах зөвлөлийн хараат бус бие даасан гишүүнээр ажиллуулах тухай гэрээг 2012 оны аравдугаар сарын 12, 2014 оны аравдугаар сарын 13-ны өдөр тус тус 2 жилийн хугацаагаар дахин байгуулсан байгуулж,ийн ажилласныхаа урамшууллыг ХОМ-доо “хадгаламж, бэлэн мөнгө хувийн харилцах болон төлбөрийн данс, картын үлдэгдэл хэсэгт мэдүүлснийг тогтоожээ.
Ингэснээр “Зохих албан тушаалтан нь аж ахуйн үйл ажиллагаа гардан эрхлэх болон аж ахуйн нэгжийн удирдах бүтцэд ажиллахыг хориглоно" гэсэн Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн заалтыг зөрчсөн учраас Үндсэн хуулийн цэц П.Очирбатад хариуцлага хүлээлгэх нь зүй гээд энэ тухайгаа холбогдох албаныханд хүргүүлсэн байна.